? مشروع قنطرة جربة !
مشروع اقتصادي واجتماعي كبير وطموح.
من شأنه تغيير وجه الجنوب الشرقي التونسي… سرعة وانسيابية في حركة المرور، جمال هندسي وقطع مع البطاحات الملوثة والمتخلفة…
في عهد يوسف الشاهد جات شركة صينية. قالوا قاموا بدراسات.
أين هي الدراسات ؟
ثم علاش المشروع هذا ما عادش حتى خبر عليه ؟
ما نعرفش علاش كل فكرة باهية في تونس تخرج ثم تتحط في الأرشيف ؟
قنطرة جربة مشروع اقتصادي وطني، ما يهمش كان الجرابة. بل تونس الكل.
اخرجوا وشوفوا العالم.
راهو ما عندنا حتى بنية تحتية في تونس وما عندنا حتى رؤية متاع مشاريع دولة سواء كانت وطنية وإلا إقليمية !
البلاد هذه لازمها زلزال كبير في الرؤى…
يلزم فكر جديد كبير… يلزم استراتيجيين كبار…
باش نواصل في استنهاض الناس وتحريضهم ضد الفكر السياسي المتخلف…
ما عندناش وقت نضيعوه في التفاهات… عركة تونس الكبيرة اقتصادية وعركة ضد الفساد… الفساد اللي خنق البلاد.
تونس يلزمها تتغير تماما…
سامي الجلّولي،
سويسرا، في 30 أكتوبر 2021
