قرية اللاس السرس
كتسمعو كلمة ” #مقابر جلمودية” شنية يجي في بالكم؟ باهي كنقلكم قرية ” #اللاس” Elles ؟ أكيد أغلبكم ما يعرفهاش? مش معروفة برشة رغم ان فيها برشة خصائص من المفروض يخليوها معروفة مش محليا أكهو لكن عالميا زادة?
اللاس قرية موجودة في ولاية #الكاف، تبعد حوالي 19كم على #السرس و حوالي 35كم على مكثر.
قرية اللاس هي أقدم قرية مأهولة تونس، تاريخها يعود ل5الاف سنة ? والدليل على تاريخها الضارب في القدم وجود معلم تاريخي مهم وهو ” المقابر الجلمودية” les mégalithes# ?.
#المقابر الجلمودية هوما معلم يرجع لماقبل التاريخ وتحديدا لاواخر العصر البرونزي، وهوما يعتبروا أقدم فعل تشييدي على وجه الأرض، و المختصين يسميو هالنوع من المقابر dolmen. و تُعرف محليا باسم ” ڨلاليب”
مقابر اللاس أهم مقابر من نوعها في تونس وفي شمال افريقيا كلها?، أولا بسبب مساحتها و بسبب حالتها الجيدة.
اكتشفها المكتشف الأمريكي Catherwood عام 1839 ووقتها لقى عائلات تسكن فيها. وحسب التخطيط الي رسمه طولها 12.45م وعرضها 7.50م .?
كما كتب عليها الرحالة الفرنساوي Poinssot عام 1883 وقال انه فمة 15 قبر منها 4 في حالة جيدة جدا?
وبالنسبة للدراسات التونسية الوحيد الي اهتم بهالمعلم هو الاستاذ على مطيمط عام 1986 الي قام بحفريات في المنطقة وخرج من هالقبور 25 جمجمة وعدد كبير من العظام البشرية كما لقى عدد من الجرار و فلوس فضية وبرونزية ولوحة فسيفساء موجودة حاليا في متحف باردو?
المقابر الجلمودية في اللاس متكونة من 7 غرف منها 6 غرف متقابلة يفصل بيناتها رواق مغطي في اخره نلقاو الغرفة السابعة الي تختلف على بقية الغرف من ناحية مساحتها? كل غرفة تتسمى مقبرة وترفع 20 جثة اما الغرفة السابعة فالدراسات مازالت ماحددتش سبب اختلافها?لكن فمة دراسات تقول انه يتم فيها تجميع عظام الموتى كلما تعبات بقية الغرف فكأنها تمثل ” ذاكرة المقبرة”
الحجر الي تبنات به هالمقابر يبلغ طوله 4م ونوعية الحجر كانت هي السبب الرئيسي في بقاءها لاباس وما تهدمتش?
وجود هالمقابر يدل على الحاجة لحفظ جثث الموتى من التعفن خاطر الانسان في العصر هذاكة كان يعتقد ان الميت يبعث من جديد وهاك علاش كان يدفن مع الميت جرار فيها رماد وعدد من الاواني والحلي الي كان يُعتقد ان الانسان يستعملها في” الحياة بعد الموت”?
ويُعتقد ان اتجاه ابواب المعلم موجهة نحو كوكبة القنطور وهي أقرب نظام نجمي للشمس
?
من 15 صرح جلمودي فيها تقريبا 71 غرفة/مقبرة ما بقى حاليا كان ثلاثة صروح وكل صرح فيه 7غرف، للأسف المعلم مهمل ومنسي و ما هوش محطوط في المسالك السياحية رغم أهميته وندرته وغرابته?
و كنقارنوا المقابر الجلمودية في قرية اللاس من الناحية التاريخية والعلمية بمقابر ستونهنج Stonehenge الموجود في انقلترا فمعلمنا أكبر وأكثر تنوع لكن لو نقارنوهم من ناحية الشهرة فللأسف المقارنة لاتجوز? ستونهنج معروفين في العالم الكل و ولاو رمز من رموز البلاد ويجيوهم السياح من كل بلاصة ?
فمة حاجة أخرى تشتهر بها اللاس فيها زياتين معمرة وهي زادة المفروض نحميوها ونعتبروها معلم مهم تؤرخ لفلاحتنا وتأكد على قدم غراسة هالشجرة المباركة في بلادنا
?
وحاليا زيت زيتون قرية اللاس من أبن و أفوح الزيوت في تونس بنته عالمية ننصحكم تذوقوه ?
نعمل عليكم باش تنشروا هالمنشور خلي الناس تعرف هالمعلم أولا وباش تاخو قرية اللاس المكانة الي تستحقها في المسالك السياحية و الثقافية ونتمناو تكون مقصد لمحبي الطبيعة والتاريخ و الروندوني ?
والي يحب يعرف أكثر تفاصيل على المقابر الجلمودية في اللاس ينجم يقرا المقال هذا
https://journals.openedition.org/encyclopedieberbere/2136?fbclid=IwAR2oMPOr3HIN2GNbiyR8UUy7RWiErJyUdblDe-AesIPTzdnBHTR1rrWNin4
وتنجموا زادة تتفرجوا في الفيديو هذا يوريكم جمال وعظمة هالمعلم
https://youtu.be/UJLamQ_ObrQ
( الصور خذيتها من الانترنت نشكر اصحاب الصور ونعتذر اني استعملتها من غير اذنهم )
#إحسان?
