حكاية الشابة رجاء الضاوي الناشطة بالمجتمع المدني بدوار هيشر ولاية منوبة
من هي الشابة رجاء الضاوي
هذه الاسطر منقول منها
أهم مراحل حياتها في المجتمع المدني
دوار هيشر ولاية منوبة
20مارس 2022:?
اليوم ينطوي عام اخر من حياتي? عام كان صعيب برشا بالنسبة لياا?
خسرت فيه أصحاب كان جاء بيدي راني عطيطهم عينياا?
كثرت المشاكل بيني وبين ليعزو علياا ?
ولحبيب بعد هه ولحباب هوما لي بعدوه علياا?
تعاركت وامحيت من حياتي برشا عباد دمهم من دمي وصدقوني? أي كلهم هانو علياا?
جرحت وتجرحت وسامحت وتغدرت وتخنت وامرضت وابكيت واتقال فيا كلام معمرو مكان ومايكون فياا?
وأبكيت وحدي بين حيوط بيتي لدايرة بياا?
قبلت ناس?
تكذب واتنافق وبكل صحت رقعة عينهم في عيناا ?
وقبلت ناس?
تبوس واتعنق ماشي في بالي تحبني وهما وراء ضهري بسكاكن تضرب فياا?
منيش بش نقول مخيبك يا دنيا خاطر نعرفك خطيك ?
واكيد منيش بش نقوم وانقول للكلب رو نبيحك معندك وين بش توصل بيه ?
ومنيش بش نعيط للغراب وانقولو عشرني خطر يقعد غراب?
ومنيش بش نقول لجمل سامح وانسى خاطر ملو الا جمل ?
منيش بش نقول مخيبك يصنعتي عند غيري ?
اما بش نقول محلاها صنعتي كي عرفت نتفنن فاها كان انا?
كلامي لاو تفلسيف ولاهو الغاز خاطر ميفهمو كان اصحاح ??
20 مارس 2022 ?
ليوم تعدا عام اخر من حياتي ?
عام كان فيه نجاح كبير بنسبة ليا?
تعلمت فيه برشا حاجات ?
تعلمت انو ليطيحني مش عدويا علاه اذاكا نرد بالي من دعثيرة ليدعثرهالي خويا?
تعلمت انو نحب روحي قبل منحب اي حد?
وانو نصلح مع روحي بروحي ومنستنا مزية حد ?
تعلمت انو مش كل حد شدلي يدي راو صاحبي ?
كيما مش اي حد كي نراه ندخل بعضي راو معناها حب ?
تعلمت انو لزمني نقعدش نستنى في فرصة بش نجنح خاطر نجم نجنح وإنجيب الفرص ?
تعلمت انو مش لزمني نفرح لعباد بش تكون قيمتي كبيرة ? خاطر فهمت انو كي نفرح روحي بنجاحاتي وانجازاتي بعد تعبي هيا لي بش تخليني في أعلى الرتب?
تعلمت انو منضحي بشي ملي نحبو على خاطر حد ?
خاطر الحد يقعد كان حد ?
تعلمت القوة متجيش في مخدة مريش ?
والا في طبق فطور في الفرش قبل منقوم ?
خاطر مقويت كان بعد كف و كفيين واطرايح بكابل خشين?
تعلمت مش كل حد ضحكلي في وجهي رو يحبلي لخير ?
ومش كل حد عشرني راو يعرفني ويفهمني ?
تعلمت انو ديما لازم نعدي استاجات ونربح خطر عمرو ميتلخص النجاح بستاج تنين ?
تعلمت انو عقلي لي لزمني نتبعو مهما كانت قيمت قلبي والي عزيز عليه ?
تعلمت انو نكون وراء قراراتي مهما كانت حاملة لغلاطي ?
واكثر حاجة فرحانة باها☺
انو منندم على شيء صار والا مزال بش يصير ??
ولدت في يوم الإستقلال وعشت مستقلة وسأضل مستقلة بحد ذاتي?????
#raja
