صانع المحتوى التونسي السلطان في ضيافة حافظ النيفر

اصبحت منصات التواصل الاجتماعي تلعب دورا فعالا ورئيسيا في نشر الفكر التوعوي بكل مجالاته وامسى الشباب هم من يصنعون هده الفوارق في اوساطهم وفي المجتمع…حلمي السلطان احد الشباب المؤثرين وصانعي المحتوى على اليوتيوب ..شاب خلوق. ناجح. مثابر بدايته محتشمة ومحتواه سهل ممتنع …عميق رغم البساطة

باعتبارك صاحب محتوى ايجابي ومن المؤثرين في الشباب يود القارئ الكريم ان يتعرف على حلمي السلطان اكثر … هل لك ان تثرينا بنبذة عن شخصك ومسيرتك الدراسية والمهنية .؟

اولا نحب نشكركم انو خممتو في الموضوع هذا و عطيتو لفتة للشباب المؤثر اسمي حلمي المانعي شهر السلطان شاب تونسي مريت بكل المراحل الحياة الصعبة و الناجحة مستوى التعليمي 3 ثانوي و عندي الماستر في مدرسة الحياة الي كانت هيا اكثر معلم و اكثر سبب باش نجم نكون مؤثر في السوشيل ميديا و نطرح مواضيع نقدية هزلية سياسيا و لا اجتماعيا باش نجم زادة نوعي الشباب و المرأة بطريقة تكون كوميدية و نوصل فيها مساج ايجابي لشباب

كيف ومتى راودتك فكرة انشاء قناة على اليوتيوب أو صفحة على فيس بوك

عندي توة 5 سنين ننشط على صفحة الفايسبوك و اليوتيوب الفكرة كانت عندي كي كنت صغير كان الحلم متاعي اني نمثل و نكون مشهور و خاصة محبوب بين الناس و الحمد الله جاتني الفكرة كيف ولا الفايسبوك صوت للعالم مقتوح اني نوري موهبتي و قدرتي و غامرت و ليوم مرضي الحمد الله اني عملت 350.000الف متابع من غير سبونسور او غيرو

وفيما تمثلت محفزاتك ؟
نعم كنت خايف اول بدايتي من الكاميرا و من ردة فعل المتفرج اكثر شيء و كنت خايف من بعض المواضيع السياسية الي نطرحها و النقد السياسي الشرس في بعض الاحيان و كنت في بعض الاحيان نزل فيديو ما نرقدش خوفا من اني نتحاسب عالكلام الي قلتو و لانو كلنا نعلمو انو عالم السياسة عالم مافيا و خطير

هل شعرت بالقلق حيال صنع محتواك والتعامل مع الكاميرا ?
الحق ما كانش عندي مخطط و لاكن كان عندي طريقتي الخاصة ما كنتش نقلد كيف برشا يوتيبيرز و كان عندي مثل اقتدي به ان لم تكن مميز سوف تختفي وسط الزحام

في خضم هذه الموجة التسونامية لليوتوبرز …كيف تخطط للبروز والمحافظة على محتواك

لقيت ردة فعل كبير برشا ما كنتش نتوقعها توصل لدرجة هذيكا و الحق المحتوى متاعي كنت دائما حريص انو يكون عائلي و خاصة محترم في وقت غاب فيه الاحترام و كانو جميع الفئات العمرية تتابعني على صفحتي

كخطوة اولى لك في عالم التاثير و صناعة المحتوى على منصات التواصل الاجتماعي كيف تقيم صدى محتواك
حلمي السلطان شاب تونسي (شعبي) لي اسلوب حياة كأغلب الشباب اسلوب عادي في العديد من الصراعات و التقلبات و الخيبات و قليل من الامل في بلادي العزيزة تونس هكذا يكون يومي

هل تطمح لاعتلاء مقاعد في التلفزيون والانتقال من قناة اليوتيوب الى قناة تلفزيونية ؟

هوة في الحقيقة اي انسان يطمح بالضهور التلفزي و لاكن للاسف ليس هناك في تونس قناة تلفزة مشرفة او محترمة و انها تخليك تطمح باش تضهر فيها و الدليل على كلامي اني اول بداياتي اكثر انسان في تونس نقد الاعلام التونسي و المستوى الدنيء للتلفزة التونسية و عدم وجود محتوى يروق للمشاهد التونسي و هذا رأيي و رأي المتفرج و الشارع التونسي

كيف تحضر محتوى قناتك وكيف تختار موضوعك ؟
المحتوى متاعي حقيقة عمرو ما حضرت او كان مخطط ناخذ اغلبية افكاري من الشارع المقهى اصدقائي سائق تاكسي دائما جميع المواضيع تأتي بتلقائية و لا احب في مواضيعي غير التلقائية لتكون صادقة اكثر و توصل للمتفرج

كلمة اخيرة للقراء ولمتابعيك وللشعب العربي

كلمة اخيرة نقدملكم تحية في النضر في المواضيع هذي و نحب نشكر كل متابعين الي بيهم هوما نحس في روحي كائن حي حتى الناقد الي دائما يخليني نصلح من روحي بطبيعة الحال الناقد (المحترم) و نحب نشكر روحي اني وقفت مع روحي و تغيرت للاحسن و نحب نقدم تحية حب كبيرة لأي شقيق في دولة عربية و شكرا

o