وفاة المحامية والكاتبة والناشطة الحقوقية والنسوية جيزال حليمي

توة سنين و اعوام لتالي .. عام 1942 حتى لعام 1943 .. وقت débarquement des nazis في تونس
كان فما راجل بو عايلة تونسي مسلم .. رغم الخوف و رغم الرعب … يوصل في طفلة صغيرة تونسية يهودية ( عمرها 15 سنة وقتها ) تمشي تقرى كل يوم على البيسيكلات .. على انها بنتو باش يحميها من les nazis ..

تعدات الايام … كبرت الطفلة هذيكا و اصبحت محامية اشهر من نار على علم .. و كاتبة معروفة..
المحامية اصبحت مناضلة صاحبة فكر و قضية .. دافعت على استقلال تونس و الجزائر زادا … شهرت بجرائم الاحتلال الفرنسي .. تطوعت و دافعت على مناضلين الحركة الوطنية الجزائرية الي اعتقلتهم فرنسا
فنات عمرها في الدفاع عن حقوق المرأة و كانت من اول من تكلم عن الحق في الاجهاض
امرأة عظيمة سيخلدها التاريخ
المرأة هذي هي #gisele_halimi الي توفات اليوم .. الله يرحمها

الراجل الي كان يوصل فيها على البيسكلات على انها بنتو
هو والد ساكن قرطاج الأستاذ الرئيس قيس سعيد

ولدت جيزال حليمي بحلق الوادي سنة 1927 وأنهت دراستها في تونس ثم انتقلت للعمل كمحامية في باريس سنة 1956، لها العديد من المؤلّفات، منها “قضيّة النّساء” (1973)، و”لبن شجرة البرتقال” (1988) و”القضيّة الجديدة للنّساء”(1997)، و”الكاهنة” (2006)، و”لا تستسلمن أبدا !” (2009)…
رحم الله الفقيدة وأسكنها فسيح جنانه وألهم أهلها وذويها جميل الصبر والسلوان.

جريدة الحدث+ الالكترونية