كتب على اللاعب الدولي علي معلول
الأسطورة علي معلول
لما تقول تونس 🇹🇳 أول حاجة هتيجي في خيالك كأهلاوي عَلِيُّ ولد معلول . معلول هو الجوهرة 💎 اللي اقتناها الأهلي وخباها عن عيون الأوروبيين ليزداد الأهلي وحده بها جمالًا
القائد بدون شارة واللاعب اللي هنقول بعد سنين كان يومًا ما لدينا معلول . معلول مش بس ظهير أيسر استثنائي تأثيره وفنياته وذكاؤه يتكتب عنهم مجلدات لا معلول كمان عنده روح محارب . هتلاقيه اول واحد بيشد الفريق وبيدي تعليمات فب اللحظات الصعبة
معلول هو أكثر لاعب أجنبي في تاريخ الأهلي ساهم في أهداف ساهم في أكتر من ١٣٠ هدف . رقم مرعب اجنحة ومهاجمين كبار في تاريخ الأهلي عجزوا أمامه
معلول هو رجل النهائيات والمعارك الكبرى هو رجل ليالي ما يعرف بالديربي معلول ساهم في ٩ اهدف أمام الزمالك في ١٤ مباراة .
معلول تقدر تلخص حكايته مع الأهلي لما قال لكريستو ” هُنا كل شئ مختلف ، التحديات كبيرة والطموحات حدودها السماء ، هُنا ستحقق أحلامك وتشعر بحب ودعم أكثر من ٧٠ مليون أهلاوي ، الأهلي قلعة البطولات وفخر الأمة و نادي القرن “
وعشان كل ده معلول مش لاعب عادي ده رقم صعب في معادلة الأهلي وأسطورة أهلاوية . معلول من الأخر عمل كل حاجة في الكورة مع الأهلي هو مش بس أعظم محترف في تاريخ الأهلي بالأرقام لا لا لا معلول هو اعظم محترف في تاريخ الكرة المصرية بمسافة كبيرة عن أي اسم تاني . معلول في رأيي هو صاحب تاني أكبر تأثير مباشر مع الأهلي في الألفية الحالية بعد محمد محمد ابو تريكة
في عيد ميلاد معلول فهو اللي يتقال فيه ” قل لمن لامَ في الهوى هكذا الحسنُ قد أمر ، إنْ عشقنا فعذرُنا أن في وجهِنا نظر”.
