علاء بن هلال في تدوينةفايسبوكية :حلول مع البانكا
تدوينة علاء بن هلال
كان عندي كونط courant في ATB برشا قصاص وكل مرة فلوس طايرة مشيتلهم حبيت نبدل كونط épargne ياخي قتلي لا متنجمش لازمك حساب جاري بش تتصب عليه شهرية قتلها فما شكون شهريتو تتصب في biat في كونط épargne قاتلي لا منجموش معناش حق …
سكت علي روحي بعد مدة قلت نمشي نسكر والديه ونحل كونط في البوسطة
مشيتلهم قتلها نحب نسكر الكونط دخلتني للبيرو وقعدتني علي كرسي ناقص كان تقولي تحب تشرب حاجة حسستني الي انا نخلص في 5 ملاين و كي نسكر كونط متاعي agence متاعهم بش تسكر قعدت باهت
قتلي علاش تحب تسكر قتلها ياسر قصاص بش نمشي نحل كونط في بوسطة
قتلي ما يساعدكش كونط في بوسطة مش منظمين وديما معبية ! و بالصف و معندكش امتيازات و معندكش حق في قرض قتلها بطبيعتي منستحقش قرض والا بش نحل كونط épargne في biat قتلي عاد حلو عنا احنا قتلها جيتكم قبل وقتولي لا منجموش قتلي شكون قالك هكا لا عادي تنجم تحل مفما حتي مشكل
و سكرتلي القديم
وتوا عندي عام ب compte épargne
يقصولي في 4DT في ثلاثة شهور و عملت
ATB net
يقصولي في 2Dt في شهر و يجيني مساج علي تالفون لحضة بلحضة كي نخلص بكارتة والا نشري حاجة en ligne يجني مساج و لحقيقة مرتاح عالاخر وزيد فما فلوس تتصب Intérêts
كل ثلاثة شهور .
فكرة باهية لواحد معندوش قرض ومش بش ياخذ قرض .
