جمعية “تراثنا” تحتفل باليوم الوطني للتراث و تنظم الخرجة التونسية
على جمعية يقولولها “تراثنا” كل عام تحتفل باليوم الوطني للتراث و تنظم #الخرجة_التونسية قالك يا سيدي يخرجوا نهارتها بلبستنا التقليدية التونسية الرجال بالبرنوس والجبة والشاشية القرمز على روسهم… والنساء بالسفساري والملية والعجار والخامة وعلاش لا القفطان ومريول فضيلة والكوفية وكل ماهو تونسي…
و يعملوا دولاشة من قدام جامع الزيتونة يتعداو على الاسواق العربي ومن بعد باب بحر حتى لشارع الحبيب بورقيبة لين يخلطوا للمسرح البلدي ويعملوا وقفة مزيانة بلباسنا المزيان التونسي ويعرفوا بهويتنا التونسية و معاهم زادة السيارات التاريخية متع خونا حسان المقدم باش نعملو دولاشة في الكراهب…عادة يا حزاركم و يا مزاركم و نور العدنان ينور دياركم جمعية تراثنا مستاذنتكم ان شاء الله نهار الاحد 14 مارس باش تنوروها و تخرجوا معاها و انا نقوللكم اللي عندها غشيرة و الا غشير تحفلوا بلبستنا العربي و تهزوا منها يتعرف على هويتنا التونسية المزيانة و منها يعمل دوليشة في المدينة ???
#الخرجة_التونسية
#جمعية_تراثنا
