حنان لعريض منفتحة على جميع الخطط بداية من خطة وزير

#رسالة_إلى_السيد_رئيس_الحكومة #حقي_ومشروع

في اطار تجديد الإدارة.. نقترح على المهندس إلياس الفخفاخ الرئيس المدير العام للإدارة التونسية #وفق_الدستور يفتح باب الترشح للخطط الادارية.. بعيدا عن الآليات المألوفة لي نعرفوها بالباهي.. نحبوا التغيير.. شخصيا نحب نترشح لخطة مدير إذاعة.. اش ناقصني.. بيني وبينك موش برشا عمر وزيد عندي تصورات للإصلاح وتجديد الإدارة.. والله نحكي بالرسمي.. يزينا من التدرج الوظيفي والتزكيات والكذا.. وقِيس على روحك انت والوزاراء ومن سبقكم، الإدارة التونسية جديدة عليكم.
احنا شباب جديد عندنا رؤيتنا ورانا #ننجحوا بجاه ربي اسمعنا واعطينا فرصتنا.. #ماكرون_مولود_عام_1977
بصراحة مع احترامي للناس الكلّ نحب نشوف مديرين من جيلي وأصغر مني.. نحب نشوف ثورة.. ميسالش نتعلمو كما تعلم غيرنا.. يعطيهم الصحة على بذلهم اما وقيت باش نشوفو نفس جديد.. نحبو مسؤول ما عاشش في المنظومة السابقة مع احترامي للجميع.. أما نحبو ناس جدد في الإدارات باش ما تجبدهمش الأعراف السابقة.. ياسر مُملة لحقيقة وتُقتل الطموح.. ياسر انضباط مافيهاش روح المغامرة والابتكار والتجديد.. نحبو مدرسة جديدة للإدارة التونسية مع حفظ الاسماء والالقاب السابقة
نحبو ادارة مراهنة على التكنولوجيا.. نحبو ناس طايرة تكنولوجيا.. نحبوا ناس تتنفس تتكنولوجيا.. نحبو ادارة تكونولوجية رقمية تقنية هاربة هروب بالماضي القريب وماسحة الماضي البعيد.. يزينا.. خنقتونا.. نحبو نطيروا.. نحبو نقلعو بإدارتنا..
السيد رئيس الحكومة، كثيرون تداولوا على مسؤولية الإدارة التونسية بمسارات يعلمها الجميع من الشمال إلى الجنوب من الاستقلال إلى يومنا هذا.. تاريخ المسؤولين نعلمه جميعا لا غبار عليه لعلّ انقاه بداية الاستقلال حين أعطى بورقيبة المسؤولية لخريجي الجامعات لقلة عددهم.. أما ما بعد تلك السنوات الأولى للاستقلال فإن الإدارة إلا لمن رحم العرف الكبير ولا ننسى معاناة التدرج الوظيفي.. ترقية آلية بعد خمس سنوات ينتظرها بعضهم عشرين سنة إن جاءت حد اليأس..
ما فعله الشباب في مجابهة الجائحة بمبادارات تكنولوجية يجعلك تفكر في موازين جديدة.. الصفوف الأولى لأهل التكنولوجيا ان أردت إصلاحا حقيقيا وقفزة نوعية. وهذا ما ستذهب إليه خيارات جميع دول العالم التي تواصل عملها الآن عن بعد ومؤسساتها شهدت تراجع نسبي وليس شبه الشلل الذي نعرفه نحن?
نريد أن نكون رقما حقيقيا في الموازنات العالمية القادمة.. هذا لا يحدث بإدارة بائسة راجعة للوراء.. فضيحة ما يحدث في إدارتنا بسبب اختيارات وتعيينات غالطة بالمحسوبية والمحاباة.. توه معقول مدير الجامعة الافتراضية الخاصة بالتعليم الجامعي عن بعد ما يفهمش في التكنولوجيا وما يحبش يتعامل بالكمبيوتر وقيس عليها الكثير.. #سكرلي_البرنامج
واحنا من انتخابات لانتخابات باش نعملو تغيير والبلاد اطير.
تحية للعزيزة رفيقة الميدان والمهام الصعبة Intissar Chelly

جريدة الحدث+ الالكترونية