العودة المدرسية والإهمال الديني

هالأيامات أحنا في ذروة العودة المدرسية و باش تشوفوا بعينيكم الأمهات

▪ اللي عمرهم ما فيقوا ولادهم لصلاة.. ❗

يفيقوهم مالشروق باش يحضرو رواحهم للمدرسة ويحضرو ادواتهم وكتبهم

▪اللي تقول لولادها مرة في الشهر صلي وما تلحش عليه لأنو تعبت وملت❗

تو تسمع صراخها من أول النهج باش مايمشيش متأخر للمدرسة

اللي عمرها ما تبع ولادها فى خمس صلوات ..❗

▪تلقاها متابعة ومدونة كل مواعيد قرايتو وارقام المعلمات وجدول الحصص وعدد الكتب والكرارس ونوامر صحابو وأولياء أمورهم والرحلات والأنشطة.

▪اللي عمرها ما تقلقت والا تغششت ولاخذات موقف انو ولادها ما يصلويش جملة.. ❗

تعمل مندبة ونواحة على معدلاتهم ومستواهم.

?? ورغم هذا .. أفشل نظام تعليم وأفشل تلامذة

يعني لا دنيا ولا دين.

وما نحكيوش على النوادي واتقان اللغة الانجليزية ونادي الرسم ودار الثقافة ونادي الروبوتيك..

وبعد سنين وقتلي يكبرو الولاد وياخذو شهادات مميزة وتَمكُن في لغتين أجنبيتين نتفاجؤوا انهم مايعرفوش يقراوا آية قرآنية ..

ونتصدموا بأنهم أنانيين متكبرين عاقين عندهم أفكار إلحادية مايعرفوش كان مصلحتهم كهو !

وقتها تسمع الأم تقول علاه يا ربي أنا قصرت في حاجة معاهم ؟!
لا ماقصرتش جملة بالعكس إنت طَولت وكَبرت وعَلِيت لكن المشكلة إنك نِسيت تبني السيسان والاساسات تحت البنية .. ويا خيبة المسعى وقتها ..❗